愛你一萬年
唐僧：悟空你真係曳曳啦﹐我同你講﹐叫o左你唔好亂咁掟野o架啦。
話口未完你連支棍都掟埋﹗
月光寶盒係寶物﹐亂咁掟會染污環境。唉﹐如果掟到o的小朋友﹐點算呢？
就算掟唔到o的小朋友﹐掟親o的花花草草都係唔好o既...
悟空：...
唐僧：做咩呀？
悟空：放手﹗
唐僧：你愛呀？你愛就要講清楚o架嘛。你愛我自然會畀你﹐你唔愛我梗係唔會畀你啦﹐冇理由你愛我唔畀你﹐你唔愛我就偏偏要畀你﹐
大家講道理呀嘛。依家我數三聲﹐你講清楚你愛唔愛o羅o番...
悟空：我呔﹗﹗﹗
紫霞：我真係好驚呀﹗
至尊寶：你驚乜o野？
紫霞：呢段姻緣係上天安排既﹐你話我驚唔驚？
至尊寶：又o黎啦...
紫霞：係呀﹐我個心不停咁跳﹐我把寶劍又o係度「嘟」啦﹐點算好呀？點同佢講呀？
至尊寶：你理得佢﹐上天安排大晒o架嘛﹗
紫霞：真係？
至尊寶：梗係﹐上天安排重唔係大晒咩家o下﹗
至尊寶：
當時把劍距離我喉嚨只有0.01公分﹐但係四分之一炷香之後﹐
o個把劍o既女主人就會徹底咁愛上我﹐因為我決定講一個大話。
雖然本人生平講過無數大話﹐但係呢個我認為係最完美o既...
菩提：兄弟﹐世事難料﹐估唔到你咁快就同白晶晶姑娘成親。
至尊寶：係呀﹐我自己都估唔到。
菩提：我o地都為你高興。
至尊寶：多謝你。
菩提：但係尋晚你發夢時又叫o左紫霞呢個名785次﹐比上次多o左一次....
菩提：紫霞係你心目中係一個感嘆號﹐定係一個句號？你腦裏面係咪充滿o左好多問號？
至尊寶：紫霞不過係個我識得o既人﹗
我以前講過一個大話呃佢﹐依家心裡面有o的內疚。
我越來越憎佢﹗我聽日就結婚啦﹐你想我點o者﹗
菩提：有一日當你發現你愛上一個你憎o既人﹐呢段感情先最羅命。
至尊寶：但係我點會愛上一個我憎o既人？你畀個理由我啦唔該﹗
菩提：愛一個人要理由o既咩？
至尊寶：唔駛o既咩？
菩提：要o既咩？
至尊寶：唔駛o既咩？
至尊寶：等陣﹗
蜘蛛精：哈哈哈﹐我仲以為你真係咁勇o添﹗
至尊寶：反正我都要死啦﹐妳幫我一個忙。
我聽人講假如把刀出得夠準夠快﹐將人個心切開後個人唔會即刻死﹐對眼重可以睇見o野。妳就幫個忙出手快o的﹐切開我個心挖出o黎畀我睇睇﹐好冇？
蜘蛛精：咩話？
至尊寶：我有個朋友話留o左o的o野係我個心裏面﹐我想睇o下到底係乜o野o黎。
至尊寶：
曾經有一份至真o既愛情擺係我面前﹐但係我冇珍惜。
等到失去o左先後悔莫及﹐塵世間最痛苦o既事莫過於此。
如果上天可以畀我一個機會再o黎一次o既話﹐我會同個女仔講「我愛妳」。
如果要o係呢份愛上面加一個期限﹐我希望係一萬年。
夕陽武士：睇o黎我唔應該o黎。
少女：依家先知太遲啦。
夕陽武士：留低段回憶得唔得？
少女：我唔要回憶﹗要留就留低你個人﹗
夕陽武士：咁只係得到我肉體﹐得唔到我靈魂。我已經有老婆﹐我o地冇結果﹐妳畀我走罷啦。
少女：好呀﹐我畀妳走﹐不過臨走前你要錫我一下﹗
夕陽武士：點講我都係個夕陽武士﹐你叫我錫就錫﹐咁我個形象咪冇晒﹗
少女：你講大話﹗你唔敢錫我因為你重鍾意我。
我講你聽﹐如果呢次你拒絕我﹐你一世都會後悔﹗
夕陽武士：後悔我都唔會錫﹐只能怪相逢恨晚﹐造物弄人。
至尊寶：我呢世都唔會走o架啦﹐我--愛--妳﹗
夕陽武士：做咩？
少女：o個個人個樣好怪。
夕陽武士：我都見到﹐好似隻狗咁。
少女嫣然一笑。
原作：劉鎮偉
X作：阿武
15-01-2001
|